Mandeni Gamchatani

Cherak R. Marak, Garo MA, ICFAI, Tura

Gamchata Isolni tarigimin mande,
Ong∙ataha a∙gilsako p’lakna sengbate,
Ka∙china a·song sason simsak niroke,
Dongchina ku·monge, Isolo pangchake.

Indioba an∙tangkon mande dal∙nikjok,
Isolni on·gimin gunko jakkalna changjajok,
A∙gilsakni gamrangnasa gingting de·doaijok,
Kangal cholgri mandeko onchep dakchepjok.

Dal·gipa gadangniba apsan a∙dimuan,
Sokgen changsaode an∙ching sakantinan.
Gnangako kangalako baseja a∙dimude,
Ong·angpilge uonan sal sokahaode.

Ongipa gadangni mandesa ong·oba,
Maiabade gamchatani gnanga uaba.
Dal∙a chona p’lakan donga chu·sokatgni,
Ku∙mong meligrikachi a·sako tanggni.

Saksa sakgipin baksa ku∙monggrikanian,
Gamchatgipa Manden’ Gun ong∙a ka∙sanian,
A∙gilsako tangmittingo ka∙sagrikanian,
Salgisakni Apani miksongaba uan.

Chimik | Vol 6 No 11, August 2023