Nisan

Sengdime Agitok Sangma

Donga mande sakantion mangsonga,
Dal·pana chupana an·tango miksonga;
Indioba kamde gri — miksonganisan,
Pil·jawa uade be·en, chanchianisan.

Sike gisiko, tikkelani gnang,
Man·egen uasa miksongatang,
Indiba dongode ja·ko jakko tom·e,
Sokjawa miksongani an·tang re·babeke.

Aratani ba·rako kike donesa,
Bimchipani gandingko kru ganesa,
Rika miksongatangna chanchiaosa,
On·a nisan ga·dapna ua mandena
Jawa gipin dal·angako nirik nikrikjajok,
Bate skeljaode aro ja·manchakgnok.
Neng·e tikkelbagimin bite jaksoknagito,
Dontongode ka·dapgija man·jawa biteko.

Mande ong·a ina ramram katta ong·ja,
Bil-jak, gisik, somoi nanga jakkalna;
Nike ramram dake, nigame donggipa,
An·tang tape nijaode u·ija ka·a chi·a.

Askiko miksongosa uona sokanggen,
Nokking kambeosanode uon bon·aigen,
Dal·e miksonggipasa dal·ang chuanggen,
Tikkelani chakchikani uko mande dakgen.

 

Chimik | Vol 6 No 11, August 2023