French Fries tarie on·atako jeana ka·onange taritaiaonisa Potato Chips ong·baskaaha. George Crumb minggipa mande New York songjinmani Saratoga Springs minggipa gittimo donggipa Moon Lake Lodge-o cha·ani taritimgipa ong·achim. 1835 bilsini attamsao George saksa mandena French Fries tarie on·ataha. Uni tariatgipa French Fries agre dal·dala aro nom·dugaa ine ua mande jeataha aro French Fries-ko on·atpilaha. Kam jakchakjaengmitingo ong·ae ong·jae jerikote on·atpilani gimin George ka·onangaha aro ‘am·asa am·engama’ ine aluko namen ba·ranggape ratskae uko jo·krape an·tangan ra·ange on·esrangaha. Uni indake ka·onange tarianggipara ga·subatsrangaha aro unonisa Potato Chips-ko taribaaha.