Na·a bilsi 8 ja 7 sal 6na kingking dondik donchanggija chrik-a·boke dongode uno ong·katgipa energy ba bilara coffee cup-sako ding·atnade chu·onggnok ina. Dake nioba namgni dongjawakonsai!
Na·a bilsi 6 ja 9na kingking dondik donchanggija ki·sie dongna man·ode uno ong·katgipa balwani bilara atom bomb-ni ong·katatgipa bilko ong·katatna man·genna!
Mandeni ka·tongara an·chirangko sualna pump ka·tima ine an·ching u·ia. Pump ka·anio ka·tongni bilara namen bilaka, uan bangbangode an·chiko feet 30 ong·e chel·e ‘chret’ dake tang·atna man·gen!
Karorangde sko grioba sal 9nade tange dongna man·ana; uni ja·manoba okkriani giminsa sia ine sandirikkote nigipa scientist-rang agana.
Maidakgipa jo·ongko ‘Praying mantis’ mingasai – jak chopjola gita dake dongsimgipa gang·gikomasai(?) Atchitaina nangoba uandakgipa gang·gide ong·na sikchongmotnabe. Uandakgipa gang·gi bipade ‘sko gnang’ bimako chomnan changjana, bipa roani ong·ahaode bimasa uni skoko chiktonge galchenge a·bachengana!
Starfish ingipa jonturangode taningan dongjana!? Saoba zoology honours ra·gipa dongode chong·motko aganatboda, iani bidingo name talsrangjaode an·tangkon starfish dake nikaignok…
Nirikkigipa mikskalrangni nikani gitade tangsim aro gipok (blue & white) rongrangni ba·rarangkon skul uniform dakbatana. Tura, Williamnagar-o donggipa skulrangni uniform-rangko niate ni…
Mandeni kni aro ja·skil jakskilrangde siani ja·manoba ro·angkuaia ina. Indakesa me·mang film-rango an·chingni nikgipa hauhaurangara bang·bata changon kniba ro·a ja·skil jakskilba ro·a daktokakon…
Jong·motrangde bolko wa·’koba tinchichiaia. Uarangni tinmitingo heavy metal gitko watode uarang tinrongana bate changgni ta·rakbate tina ine sandirikkotgiparangan agantaia. Indakesa skango chingni nokpantekoara jong·mot pua bilongakon da·nang!
Alfred Hitchcock sawachim da·onaba u·ikujaode sachiba sing·e ra·echengbo. Mandede maidakede atchija: Alfred Hitchcock-de gandilan dongpajana!
Skango chinga Athletic Meet-na Shillong-chi re·anggiparang sokbapile Rombagre-chi cha·ansengna (picnic) re·angtokaha. Merongkode noktangtangonikon kadepe chu·depe ra·angtokaha. Aditani ja·manode bol ja·pango merong chimongsogiparangchipak golmal ong·tokaha. Golmalni ja·pangara, saoba me·chik ‘KOTEX’ ine sea gnanggipa plastic-o merong ra·angana. Saniba cha·na man·gijagipa cha·aniko chipchakani plastic-masai uara? U·ipaja angade. Texas-ni Bryan minggipa biapo donggipa radio station-ko KOTEX minga inesan angade ma·manaia…
Ga·subebeaha. Indakgipa articlerangko poraina anga an·tangde namnika. Gatatrongpabo. Mittelbegen.
Kattarang namen me·sua… jatna on·gilana na·simangko namen mittela.
Namen ga·suaha aroba nangengkua.
Anga na·simangni ga·sue gatatgipa kattarangko poraisoe kusi ong·beaha. Mittela.
Seani style namaha, maina ramram kattarangko jakkale sakantinan u·ikugijagipa, knakugijagipa kattarangko sual ra·ronanina mittela…. Jeko aganode “SIMPLE YET INFORMATIVE”
Seani style silaha, maina ramram kattarangko jakkalen sakantinan u·ikugijagipa aro knakugijagipa kattarangko ra·baa…. jekon aganode “SIMPLE YET INFORMATIVE”. Mittela.