Nang·na Ka·bea

Tengchon R. Marak

Ka·tong mesakbaa
Gisik jrobaa,
Nang·na simbrae
Batanggiminko chanchiate.
Bolmako su·peaha
Cheksiko ritamaha,
Wa·cheng ramaha
Ka·sagija so·prakaha.
A·kilaha nang·ko
Ge·aha gipin bitchriko
Gimaataha bolgrimko
Chaataha samjakko.
Gualaha Aman’ Ku·sik
Ba·chapgimin sonan’ bimik
Mikchepa ma·tangko gisik
Joksolako dim·change chimik.
Ritamenga salanti
Ang’ Am·beng Ku·sikko
Gimaangenga cha·suanti
Mikchepe ma·tangko.
Appa watangaha
Depante dongkua
Ka·na changama kamko apsan?
Su·peaha bolgipi
Sattaia bitchri
Ong·genma gamchata apsan?

 

Chimik | Vol 6 No 11, August 2023