Dominic M. Sangmani Rapture jawilwatko mesokenga inon Kristian manderangni agangipa Rapture ong·gen ba uno pangchakgipa ong·gen ine bang·an chanchisotokaha. Indiba jawilwat Rapture ua Raptureming maming bak nangeja ine nimanon agantokaha. Indide jawilwatko Rapture ine biming donania krajama? Kraa ba kragijako darangba ong·chongmote agannade man·jawa. Biming donani bidingo jawilwat nokgipa talata grioba uni miksonganiko ong·nikatang darangan pe·e nina man·a. Uni gimin, jawilwat nokgipani miksonga baksa melioba melijaoba an·tangni chanchia gita angaba uko pe·e nigen.
Rapture ine mangmang donaiode jebachim, indiba Garochi Rimdogittanga ine donkua. Angni chanchia gita, jawilwatko Rapture ine biming donara maiba puzzle game gita an·chingko wilwil bawil dakatna ong·akon. Uan sompi sompa gita mitapgipa ong·a. ACP Pradyuman style aganode, “Dominic hume gumrah kar raha hai.” Jeba ong·bo, sulsul pe·ange nina.
Skanggipa: Englisho rapture kattani etymologyko ja·kol sane nion uara rapture ina French katta aro raptura ina Medieval Latin kattaoni ong·baaha ine nikaha. Raptura inako Englishona donskaode seizing, kidnapping, carrying off ine ong·skaa. Old French aro Medieval Latin-o minganiranga chengoni Latin-o raptus (carrying off) inaoni ong·baskaaha. (Apsan dakgipa kattako Greekoniko English Bibleona maidake pe·roroangaha ukode iano sejawa). Uni gimin, jawilwatko rapture mingania kidnapping, carrying off ingipa ortorangko katta kal·ake biming donaha, maina golpoo mande rim·srukanirang donga ine chanchichipna man·a.
Gnigipa chanchichipaniko sena gitade Kristianrangni agangipa Rapture-ni bidingo adita see talatchengna nanggen. Uko ia link-o nape poraiani ja·mano re·bapilbo.
Gnigipa: Kristianrangni agangipa raptureni bidingo ua link-o nape poraiaha ine anga bebe ra·a. Da·ode niatbo: ua rapture baksa jawilwat Rapture maming bak nangeani gri. Indiba mingsako gongge gongdang chanchie melidraatna man·a. Tribulation-na skang Rapture ingipade sruksruksa rimdoani gimin “mande gimaani” donggen. Rapture ba rimdoange mande saksa gimaon uko “saoba rim·srukanga” ine manderangni gisepo chanchiani nakatnaba donga. Uko bikpilate chanchiskaode, saoba toromigipa mande ba manderang gimaode uko “rapture ong·engjok” ine mitam aganskanaba donga.
Indiba Rapture jawilwatko Garochi Rimdogittanga ine dona. Iakoba chanchina nanggen. Rapture ong·aniko tarigipa mitam Hollywood movierangode mandeko gitting gittang rimdoakon mesoka, mitamode dingtang dake mesokskaa. Kristianrangni gisepo gitting gittang rimdoako bebe ra·giparangba donga, indiba mitamde Watata Paulni seao pangchake bimang dingtangate rimdoako bebe ra·skaa. Mande ong·e atchigipade Isolko mikkangchakna kragipa ong·jani gimin uko dingtangatesa rimdogen ineba agana. 1 Korinthirangna 15:51-oni poraiangode rimdona skang transform ka·ani ba dingtang dakataniko nikgen. Uan sigijagipa (immortal) ong·ate dingtangataniko miksonga. Indiba mitamni bebe ra·ani gitade mandeko be·en bimang donggija gisik (spirit) ong·atesa dingtangatgen.
Uni gimin, mandeko gitting gittang bimang chongchong rimdoako bebe ra·ode mama Sobelni nokking dake prakahaon uko rimdogittangaha ine bebe ra·ani donggen. Mama Sobelni nokking napruakoba mitamde indaken pe·enga.
Gittamgipa: End Times aro Rapture-ni bidingo ua link-o nape poraiahaode u·iaibojok: End Times aro Raptureni gimin pe·ania rakbea baksa dingtang dingtang dake donga. Dominicni tarigipa filmkoba pe·na raka baksa dingtang dingtang dake pe·anirang dongani gimin ukoba methapor ong·ate Rapture ine biming donaha ine angade chanchia.
Na·a maiko chanchia?
In my view, Kasan represents innocent people who always suffer due to social misbehaves… jekai ong·gija jangbingbanggipa kattarang, so·otanirang, mondolini kenatanirang, agittal manderangni sokbaanirang. Sobelsan gisik a·ning bitgipa ong·a, songsalni ong·gija kamranga maming dakeba uko sinjetna man·ja.
“Rimdogittanga” ine donanide mistake ong•akon, Rapture ine donade ong•aijokchim. Nokking naprugipade Rimdogittangani ong•jawa maina Director an•tangan Biblical story ong•ja ine agana.
Nokking naprugipade a•selko sandina nanggipasa, uko nike chanchichipe Rapture intaiode Kasan dake kengokgipasa ong•gen.
Haida wa•al kamanichiba ong•na man•a ba maikoba donnuna budi dakaniba ong•na man•a.
Chanchie nie nie nioba chanchisokpiljana am·pila.